«Իրավապահների գործողությունները չեն կարող դեմարշի պատճառ դառնալ»․ Պեսկով
![]() 587 Երկուշաբթի, 30 հունիսի, 2025 թ., 15:28 Իրավապահ մարմինների գործողությունները չեն կարող հիմք հանդիսանալ դիվանագիտական դեմարշների համար։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով Ադրբեջանի ԱԳՆ հայտարարությունը: Վերջիններս պահանջում էին հետաքննություն անցկացնել Եկատերինբուրգում ադրբեջանցիների ձերբակալությունների վերաբերյալ։ «Մենք անկեղծորեն ցավում ենք նման որոշումների համար», - ասել է Պեսկովը։ Նրա խոսքով՝ կարևոր է շարունակել աշխատանքը՝ «բացատրելու այն իրադարձությունների պատճառներն ու բնույթը, որոնք, ադրբեջանական կողմի կարծիքով, պատճառ են հանդիսացել նման դեմարշների համար»։ Հարցին, թե արդյո՞ք նախատեսված է Պուտին-Ալիև հեռախոսազրույց, Պեսկովը նշել է, որ այն դեռևս օրակարգում չէ, սակայն, անհրաժեշտության դեպքում, կկայանա։ «Ռուսաստանը շահագրգռված է Ադրբեջանի հետ լավ հարաբերությունների հետագա զարգացմամբ»,- հավելել է Պեսկովը։ Հիշեցնենք՝ Եկատերինբուրգում ադրբեջանցիների զանգվածային ձերբակալությունները տեղի են ունեցել հունիսի 27-ին: Քննչական կոմիտեի Սվերդլովսկի վարչությունը հայտնել է, որ քննում է քրեական գործ՝ Եկատերինբուրգում էթնիկ հանցավոր խմբի կողմից 2001, 2010 և 2011 թվականներին կատարված սպանությունների և սպանության փորձերի փաստերի վերաբերյալ: Ադրբեջանի ԱԳՆ-ն հայտարարել էր, որ ձերբակալվածների թվում կան զոհեր և վիրավորներ, և խնդրել է քննչական գործողությունների ընթացքում պատասխանատվության ենթարկել բռնության մեջ ներգրավված անձանց: |
«Պուտինը մերժել է «Օրեշնիկ»-ով Զելենսկու գրասենյակին հարվածելու առաջարկը»․ Լուկաշենկո
2416:30«Պուտինը պատրաստ է Զելենսկու հետ հանդիպել, եթե օրակարգ լինի»․ Լավրով
4816:12«Շատ զայրացած եմ դրա պատճառով»․ Թրամփ
6316:00Նիկոլ Փաշինյանը կմասնակցի Չինաստանում կայանալիք ՇՀԿ գագաթնաժողովին
4115:06«ՀՀ արդարադատության համակարգը հանցավոր ու հանցածին համակարգ է»․ Հայկ Դեմոյան
4914:36««Զանգեզուրի միջանցքը» կամրապնդի Թուրքիա-Ադրբեջան-ՀՀ տնտեսական համագործակցությունը»․ թուրք նախարար
22414:24Բագրատ Սրբազանի և մյուսների գործով դատական նիստը․ ՈՒՂԻՂ ՄԻԱՑՈՒՄ (տեսանյութ)
5114:18«Նիկոլ Փաշինյանը վստահ չէ իր քպ-ական խմբակի վրա»․ Սևակ Հակոբյան
6913:54