Ուրբաթ, 20 փետրվարի, 2026 թ.
|
Ստեփանակերտում`   +10 °C

«ՌԴ-ն ևս մեկ անգամ ցուցադրում է, որ չի պատրաստվում դադարեցնել պատերազմն ու ահաբեկչությունը»․ Զելենսկի

«ՌԴ-ն ևս մեկ անգամ ցուցադրում է, որ չի պատրաստվում դադարեցնել պատերազմն ու ահաբեկչությունը»․ Զելենսկի
626
Ուրբաթ, 04 հուլիսի, 2025 թ., 11:58

Ուկրաինայի նախագահ Վլադիմիր Զելենսկին անդրադարձել է գիշերվա ընթացքում ՌԴ-ի կողմից Կիևին հասված հարվածներին։

«Մեր քաղաքներում և շրջաններում օդային հարձակման տագնապի առաջին ազդանշանները հնչեցին երեկ՝ նախագահ Թրամփի և Պուտինի միջև հեռախոսազրույցի մեկնարկի հետ գրեթե միաժամանակ։ Ռուսաստանը ևս մեկ անգամ ցուցադրում է, որ չի պատրաստվում դադարեցնել պատերազմն ու ահաբեկչությունը։ Միայն առավոտյան ժամը 9-ի սահմաններում Կիևում լռեցին օդային տագնապի ազդանշանները․ դժվար, անքուն գիշեր», - ասել է Զելենսկին։ Նրա խոսքով՝ գլխավոր թիրախը մայրաքաղաքն էր, բայց տուժել են նաև Դնեպրոպետրովսկի, Սումիի, Խարկովի, Չեռնիգովի և Կիևի մարզերը։

Հիշեցնենք՝ գիշերվա ընթացքում ՌԴ-ն առավելապես ԱԹՍ-ներով հարվածներ էր հասցրել Կիևին։ Վերջին տվյալներով՝ տուժել էր 23 մարդ։

Հիշեցնենք նաև, որ ԱՄՆ նախագահ Դոնալդ Թրամփը հայտնել էր, որ Պուտի հետ զրույցում «որևէ առաջընթացի չի հասել»։