«Ընդունել Ուկրաինային ԵՄ շարքեր, կնշանակեր ընդունել պատերազմ»․ Օրբան

718

Ուրբաթ, 04 հուլիսի, 2025 թ., 13:11

ԵՄ երկրների մեծ մասի քաղաքացիները չէին աջակցի ԵՄ-ին Ուկրաինայի անդամակցությանը, եթե այս հարցի շուրջ քվեարկություն անցկացվեր։ Նման կարծիք է հայտնել Հունգարիայի վարչապետ Վիկտոր Օրբանը։

Նրա խոսքով՝ Զելենսկու համար դեռ ուշ չէ ընտրություն կատարել խաղաղության օգտին։ Իսկ Ուկրաինայի անդամակցությունը ՆԱՏՕ-ին կհանգեցնի երրորդ համաշխարհային պատերազմի։
«ԵՄ երկրների մեծ մասը կասեր «ոչ» Ուկրաինայի անդամակցությանը։ Եթե մենք ընդունենք Ուկրաինային մեր շարքերում, ապա կընդունենք պատերազմը։ Ուկրաինայի անդամակցությունը կոչնչացնի մեր տնտեսությունը», - ասել է կառավարության ղեկավարը։

Օրբանը հիշեցրել է, որ Հունգարիայում կայացած ազգային հանրաքվեում (ավելի քան 2 միլիոն մարդու մասնակցությամբ) հարցվածների 95%-ը դեմ է արտահայտվել Կիևի անդամակցությանը Եվրոմիությանը։ «Հունգարացիները չեն աջակցում Ուկրաինայի անդամակցությանը ԵՄ-ին», - ընդգծել է Օրբանը՝ վստահեցնելով, որ Բրյուսելի հետ հետագա բանակցությունների ընթացքում կառաջնորդվի հանրաքվեի արդյունքներով։

Քանի որ ԵՄ ընդլայնման հարցը կարող է լուծվել միայն կոնսենսուսով, Բուդապեշտի առարկությունները չեն կարող անտեսվել, վստահ է վարչապետը։

«Ուկրաինան անդամ չի լինի, Հունգարիան արգելափակել է դա, և նրանք չեն կարողանա շրջանցել մեզ», - զգուշացրել է Օրբանը։