«ՀԱՄԱՍ-ի հետ բանակցելու համար Իսրայելը պատվիրակություն կուղարկի Կատար». #Ynet

Իսրայելի իշխանությունները որոշել են պատվիրակություն ուղարկել Կատար՝ պաղեստինյան ՀԱՄԱՍ շարժման հետ հրադադարի համաձայնագրի շուրջ անուղղակի բանակցություններ վարելու համար, հաղորդում է Ynet պորտալը՝ հղում անելով բարձրաստիճան իսրայելական աղբյուրին։
«Որոշում է կայացվել իսրայելական պատվիրակություն ուղարկել Կատարի մայրաքաղաք Դոհայում կայանալիք միջնորդական բանակցություններին», - գրում է պորտալը։

Ավելի վաղ ՀԱՄԱՍ-ը հաստատել էր, որ դրական է արձագանքել Գազայի հատվածում հրադադարի առաջարկին և պատրաստ է բանակցություններ սկսել։
Եգիպտոսի արտգործնախարար Բադր Աբդել Աթին հայտարարել էր, որ Կահիրեն, այլ միջնորդների հետ համատեղ, աշխատում է Գազայի հատվածում 60-օրյա հրադադարի վրա, որի ընթացքում սպասվում է իսրայելցի պատանդների ազատ արձակումը։