Երկուշաբթի, 06 ապրիլի, 2026 թ.
|
Ստեփանակերտում`   +9 °C

«ԱՄՆ-ի յուրաքանչյուր ռումբ ճշգրիտ հարվածել է թիրախին»․ Թրամփ

«ԱՄՆ-ի յուրաքանչյուր ռումբ ճշգրիտ հարվածել է թիրախին»․ Թրամփ
699
Երկուշաբթի, 07 հուլիսի, 2025 թ., 10:35

Իրանում յուրաքանչյուր ռումբ ճշգրիտ հարվածել է իր թիրախին։ Այս մասին հայտնել է ԱՄՆ նախագահ Դոնալդ Թրամփը՝ Իսրայելի վարչապետ Բենյամին Նեթանյահուի հետ հանդիպումից առաջ՝ նշելով, որ Նեթանյահուի հետ հանդիպման ժամանակ կքննարկվի նաև Իրանի հետ «մշտական ​​համաձայնագիր» կնքելու հարցը։

Թրամփը լրագրողներին հայտնել է, որ «Իրանը պետք է հրաժարվի այն ամենից, ինչի մասին դուք շատ լավ գիտեք»։

Իրանական միջուկային օբյեկտների վրա ԱՄՆ-ի վերջին հարձակումը նա անվանել է «լիակատար ոչնչացում»։

«Յուրաքանչյուր ռումբ ճշգրիտ հարվածել է իր թիրախին. սա հաստատվել է ատոմային հանձնաժողովների կողմից։ Հիմա Իրանը պետք է ամեն ինչ սկսի նորից և ուրիշ վայրից»։

Ավելի վաղ հաղորդվել էր, որ Թրամփը և Նեթանյահուն կհանդիպեն Սպիտակ տանը՝ հուլիսի 7-ի լույս 8-ի գիշերը։ Քննարկման թեմաներից մեկը կլինի նաև Գազայում պատերազմի ավարտի պայմանների համաձայնեցումը։