Մալազիայում հանդիպել են Լավրովն ու Ռուբիոն

ՌԴ ԱԳՆ ղեկավար Սերգեյ Լավրովը և ԱՄՆ պետքարտուղար Մարկո Ռուբիոն հանդիպում են անցկացնում Մալազիայում, հաղորդում է ՌԻԱ Նովոստին։
Հանդիպումը տեղի է ունենում Հարավարևելյան Ասիայի երկրների միության միջոցառումների շրջանակներում։
Լավրովը և Ռուբիոն նախկինում մի քանի անգամ հեռախոսազրույց են ունեցել և առաջին անգամ անձամբ հանդիպել են փետրվարին Ռիադում կայացած ռուս-ամերիկյան բանակցությունների ժամանակ։

Այդ հանդիպման ժամանակ կողմերը համաձայնել են սկսել երկկողմ հարաբերությունների կարգավորման աշխատանքները։

ՌԴ ԱԳՆ-ն հայտնել է, որ Լավրովն և Ռուբիոն քննարկել են ուկրաինական կարգավորման հարցը, Իրանի և Սիրիայի շուրջ ստեղծված իրավիճակը։