Իսրայելը հարվածել է «Հեզբոլլահ»-ի հրամանատարական կետին

Իսրայելի պաշտպանության ուժերը հարձակվել են Լիբանանի հարավում գտնվող շիական «Հեզբոլլահ» շարժման հրամանատարական կետի վրա, հայտնել է բանակի մամուլի ծառայությունը։
«Չորեքշաբթի գիշերը Իսրայելի զինված ուժերը հարված են հասցրել «Հեզբոլլահ» ռազմական հրամանատարական կետին, որտեղից շարժման ահաբեկիչները գործել են Լիբանանի հարավում գտնվող Յոչմոր շրջանում», - ասվում է հայտարարության մեջ։
Մամուլի ծառայությունը հավելել է, որ հրամանատարական կետը գտնվում է քաղաքացիական շենքում։ Նշվել է նաև, որ հարձակումից առաջ իսրայելական կողմը միջոցներ է ձեռնարկել քաղաքացիական բնակչության համար ռիսկը նվազեցնելու համար։