«Սիրիան հետաքրքրված է Ադրբեջանի հետ համագործակցությամբ». Ահմեդ ալ-Շարաա

Սիրիան հետաքրքրված է Ադրբեջանի հետ համագործակցությամբ, հայտարարել է Սիրիայի Արաբական Հանրապետության անցումային շրջանի նախագահ Ահմեդ ալ-Շարաան՝ Ադրբեջանի նախագահ Իլհամ Ալիևի հետ հանդիպման ժամանակ։
«Մեր երկիրը հետաքրքրված է Ադրբեջանի հետ համագործակցությամբ քաղաքական, առևտրային, տնտեսական, մշակութային, հումանիտար և այլ ոլորտներում», - ասել է Սիրիայի նախագահը։
Ըստ Ադրբեջանի նախագահի կայքի՝ հանդիպման ընթացքում քննարկվել են նաև Ադրբեջանի և Սիրիայի միջև հումանիտար, կրթական և մշակութային ոլորտներում համագործակցության հարցեր, այդ թվում՝ մտքերի փոխանակում Ադրբեջանում սիրիացի ուսանողներին կրթաթոշակներ տրամադրելու և մշակութային հուշարձանների վերականգնման հետ կապված հարցերի շուրջ։

Հիշեցնենք՝ Սիրիայի նախագահն այսօր կատարել է իր առաջին աշխատանքային այցն Ադրբեջան։