«Թրամփը, հնարավոր է, հարձակողական զենք մատակարարի Կիևին»․ #Axios

ԱՄՆ նախագահ Դոնալդ Թրամփը երկուշաբթի կհայտարարի Կիևին զենք մատակարարելու նոր ծրագրի մասին, որը կարող է ներառել հարձակողական զենք, հայտնել է Axios-ի լրագրողը՝ հղում անելով իրավիճակին ծանոթ աղբյուրներին։
Թրամփն ավելի վաղ հայտարարել էր, որ Միացյալ Նահանգները Patriot հրթիռներ կուղարկի Ուկրաինա։ Նրա խոսքով՝ Միացյալ Նահանգներն Ուկրաինային կուղարկի ռազմական տեխնիկայի «տարբեր տեսակներ», որոնց համար ուկրաինացիները կվճարեն ամբողջությամբ։
«Նախագահ Թրամփը երկուշաբթի կհայտարարի Ուկրաինային զինելու նոր ծրագրի մասին, որը, ինչպես սպասվում է, կներառի հարձակողական զենք... Երկու աղբյուրներ նշել են, որ իրենք հիմքեր ունեն կարծելու, որ ծրագիրը, հավանաբար, կներառի հեռահար հրթիռներ», - ընդգծել է պորտալի լրագրողը՝ հղում անելով երկու անանուն աղբյուրների։