Ուրբաթ, 20 փետրվարի, 2026 թ.
|
Ստեփանակերտում`   +9 °C

Գիշերվա ընթացքում Ուկրաինային հասցված հարվածներից 2 մարդ է զոհվել

Գիշերվա ընթացքում Ուկրաինային հասցված հարվածներից 2 մարդ է զոհվել
637
Երկուշաբթի, 14 հուլիսի, 2025 թ., 12:16

Անցած գիշեր ռուսական կողմը հարձակվել է Ուկրաինայի վրա չորս S-300/400 հրթիռներով և 136 գրոհային անօդաչու թռչող սարքերով, հաղորդել է Ուկրաինայի ռազմաօդային ուժերի հրամանատարությունը։

Սումիի մարզի Շոստկա համայնքում անօդաչու թռչող սարքերի հարձակման հետևանքով զոհվել է երկու տղամարդ, վնասվել են մոտ 30 բազմահարկ և մասնավոր տներ, ավերվել է քաղաքացիական ենթակառուցվածքային օբյեկտ, նշել է Մարզային ռազմական վարչակազմի ղեկավար Օլեգ Գրիգորովը։

Սումի համայնքում անօդաչու թռչող սարքերի հարձակման հետևանքով հրդեհ է բռնկվել։ Գրիգորովի խոսքով՝ վնասվել են ոչ բնակելի շենքեր, տուժածներ չկան։

Ուկրաինայի Դնեպրոպետրովսկի մարզի Կամենսկի շրջանում վիրավորվել է երեք մարդ՝ 51-ամյա տղամարդ և երկու 13-ամյա աղջիկ, հայտնել է տարածաշրջանային ռազմական վարչակազմի ղեկավար Սերգեյ Լիսակը։