«Լավրովն ու Արաղչին կքննարկեն միջուկային հարցը»․ Բաղայի

Իրանի ԱԳ նախարար Աբբաս Արաղչին նախատեսում է հուլիսի 15-ին Չինաստանում հանդիպել իր ռուս գործընկեր Սերգեյ Լավրովի հետ և քննարկել միջուկային հարցեր, ինչպես նաև Մերձավոր Արևելքում տիրող իրավիճակը, «ՌԻԱ Նովոստիին» հայտնել է Իրանի ԱԳՆ խոսնակ Իսմայիլ Բաղային։
Նրա խոսքով՝ նման հանդիպումը նախատեսված է Շանհայի համագործակցության կազմակերպության ( ՇՀԿ ) ԱԳ նախարարների խորհրդի նիստի շրջանակներում, որը տեղի կունենա Չինաստանի Տյանցզին քաղաքում։
«Պարոն Արաղչիի՝ Չինաստան կատարելիք այցի ընթացքում, կկայանա երկու նախարարների հանդիպումը։ Օրակարգում երկկողմ հարաբերությունների վերաբերյալ խորհրդակցությունների շարունակությունն է, ինչպես նաև տարածաշրջանում վերջին զարգացումները, այդ թվում՝ Իրանի միջուկային հարցը», – ասել է Բաղային։