Ռադան հաստատել է Սվիրիդենկոյին Ուկրաինայի վարչապետի պաշտոնում

Ուկրաինայի Գերագույն Ռադայի պետական իշխանության կազմակերպման հարցերով հանձնաժողովն աջակցել է Յուլիա Սվիրիդենկոյին Ուկրաինայի վարչապետ նշանակելու՝ նախագահ Զելենսկու առաջարկին։

Այս մասին հաղորդում է RBC-Ukraine-ն՝ հղում անելով Ժողովրդական պատգամավոր Յարոսլավ Ժելեզնյակի Telegram ալիքին։

Ժելեզնյակի խոսքով՝ հանձնաժողովի 16 անդամ կողմ է քվեարկել Սվիրիդենկոյին կառավարության ղեկավարի պաշտոնում նշանակելու առաջարկին, 4-ը՝ ձեռնպահ։

Շաբաթվա ընթացքում Ուկրաինայի կառավարությունում փոփոխություններ են սպասվում։ Հուլիսի 14-ին Զելենսկին առաջարկել էր Սվիրիդենկոյին զբաղեցնել վարչապետի պաշտոնը։ Հուլիսի 16-ին, խորհրդարանը պաշտոնանկ է արել վարչապետ Դենիս Շմիգալին և նրա կառավարությանը։ Արդարադատության նախարարի պաշտոնակատար Օլգա Ստեֆանիշինան, ինչպես հաղորդում են RBC-Ukraine-ի աղբյուրները, կարող է դառնալ Ուկրաինայի դեսպանն Ամերիկայի Միացյալ Նահանգներում։ Պաշտպանության նախարարի պաշտոնակատար Ռուստեմ Ումերովը կստանձնի Ռուսաստանի հետ բանակցողի դերը։