«Թուրքիան պատրաստ է Սիրիային օգնել պաշտպանական կարողություններն ամրապնդելու հարցում»․ ՊՆ

Անկարան պատրաստ է օգնել Դամասկոսին՝ ամրապնդել իր պաշտպանական կարողությունները, եթե Սիրիայի նոր իշխանությունների կողմիւց նման խնդրանք ներկայացվի։ Այս մասին հայտնել է TRT Haber հեռուստաալիքը՝ հղում անելով Թուրքիայի պաշտպանության նախարարության աղբյուրներին։

«Մենք նախկինում հայտարարել ենք, որ կտրամադրենք ցանկացած աջակցություն Սիրիայի պաշտպանական կարողություններն ամրապնդելու և ահաբեկչության դեմ պայքարին աջակցելու հարցում, եթե նրանք դա խնդրեն», – նշել են աղբյուրները։

Թուրքիայի պաշտպանության նախարարության տվյալներով՝ Սիրիայում Իսրայելի կողմից իրականացված ավիահարվածների հետևանքով այնտեղ տեղակայված թուրքական ռազմական զորակազմը չի տուժել։

«Իսրայելի ավիահարվածների հետևանքով Սիրիայում մեր զորքերի և անձնակազմի հետ կապված որևէ բացասական իրավիճակ չկա», – ասել են աղբյուրները։