Իսրայելը ՀԱՄԱՍ-ի 3 բարձրաստիճան պաշտոնյայի է սպանել

Իսրայելի պաշտպանության ուժերը Գազայի հյուսիսում իրականացված գործողության ընթացքում սպանել են պաղեստինյան ՀԱՄԱՍ-ի երեք բարձրաստիճան պաշտոնյաների, հայտնել է բանակի մամուլի ծառայությունը։
«Իսրայելի պաշտպանական ուժերը հարվածել և սպանել են ահաբեկիչ Բարհում Շահինին, ով պատասխանատու էր արևմտյան Գազայի շրջանի Ընդհանուր անվտանգության ստորաբաժանման համար, ահաբեկիչ Աշամ Ցարզուրին, ով ՀԱՄԱՍ-ի կառավարության արտակարգ իրավիճակների կոմիտեի ղեկավարն էր արևելյան Գազայում», - ասվում է հայտարարության մեջ։

Մամուլի ծառայությունը հավելել է, որ սպանված պաշտոնյաներն օգնում էին ՀԱՄԱՍ-ի ռազմական թևին՝ վերահսկողություն իրականացնելու գոտու բնակչության նկատմամբ՝ օգտագործելով ճնշման և բռնության մեթոդներ։ Բացի այդ, իսրայելական զինվորականները սպանել են ՀԱՄԱՍ-ի իրավաբանական բյուրոյի ղեկավար Ֆարաջ ալ-Աուլին։