«Աբու Դաբիի թեմաներից մեկը վստահության ցածր մակարդակն էր». Ալիև

Աբու Դաբիում կայացած Փաշինյան-Ալիև բանակցությունների թեմաներից մեկը վստահության ցածր մակարդակն էր։ Այս մասին հայտարարել է Ադրբեջանի նախագահ Իլհամ Ալիևը:

Նրա խոսոքվ՝ Ադրբեջանի դիրքորոշումը մնում է անփոփոխ, ի տարբերություն Հայաստանի դիրքորոշման, որը բազմիցս փոխվել է։

«Եթե Երևանի դիրքորոշումն արդեն փոխվել է, որտե՞ղ է երաշխիքը, որ դա այլևս չի կրկնվի»,- ասել է Ալիևը՝ ընդգծելով, որ նման երաշխիք պետք է հանդիսանան միջազգային իրավական նորմերն ու փաստաթղթերը։

Ալիևի խոսքով՝ անհրաժեշտ է փոփոխություններ կատարել Հայաստանի Սահմանադրության մեջ, և, ըստ էության, դա բավարար է։

«Խաղաղության համաձայնագրի տեքստն արդեն համաձայնեցված է, և փաստաթղթի նախաստորագրման գաղափարը առաջ է քաշել ադրբեջանական կողմը։ Քանի որ նախագիծը համաձայնեցված է, Բաքուն ավելորդ է համարել դրա վերաբերյալ հրապարակայնորեն մեկնաբանություններ անելը,- ասել է Ալիևը:

Միևնույն ժամանակ, Ալիևն ընդգծել է, որ կողմերը հեռու չեն այն պահից, երբ «անջատողականության երկաթբետոնե դագաղը վերջնականապես կփակվի, և տարածաշրջանում կվերականգնվի անդորրը»։