Գազայում առնվազն 115 պաղեստինցի է սպանվել

357

Երկուշաբթի, 21 հուլիսի, 2025 թ., 10:27

Վերջին 24 ժամվա ընթացքում Գազայում սպանվել է առնվազն 115 պաղեստինցի, որոնցից 92-ը՝ բաշխման կետերում սննդամթերքի հերթերում, հաղորդել է կատարական «Al Jazeera» հեռուստաալիքը։

Լրատվամիջոցի տվյալներով՝ անկլավի հյուսիսում զինվորականները սպանել են օգնություն սպասող 79 մարդու և ևս 13 մարդու՝ հարավում գտնվող Ռաֆահի և Խան Յունիսի բաշխման կետերում։ Գազայի առողջապահական մարմինները հայտարարել են նաև անցած օրվա ընթացքում սովից 19 մահվան դեպքի մասին։ Ավելի վաղ «Al Jazeera»-ն՝ հղում անելով Գազայի առողջապահության նախարարությանը, հաղորդել էր, որ հատվածի հիվանդանոցների շտապօգնության բաժանմունքները գերբեռնված են աննախադեպ թվով քաղցած մարդկանցով։