«Մոսկվան և Բաքուն հարաբերությունների դժվարին շրջան են անցնում»․ Պեսկով

Մոսկվայի և Բաքվի միջև հարաբերություններն ամուր հիմք ունեն, բայց ներկայումս դժվարին շրջան են ապրում։ Այս մասին լրագրողներին հայտարարել է ՌԴ նախագահի մամուլի քարտուղար Դմիտրի Պեսկովը։

«Իսկապես, ամուր հիմք կա, երկու երկրների շահերի համընկնում կա, փոխադարձ հարգանքի վրա հիմնված փոխշահավետ համագործակցություն կա։ Սակայն երբեմն պատահում է, որ երկու երկրների միջև հարաբերություններում դժվար շրջաններ են լինում։ Հիմա այդպիսի շրջաններից մեկն է»,- ասել է Կրեմլի ներկայացուցիչը։

«Մենք հույս ունենք, որ այս շրջանը կանցնի»,- ընդգծել է Պեսկովը՝ պատասխանելով, որ «երկու երկրների միջև համագործակցությունը փոխադարձ օգուտ է բերում»։