«Ուկրաինան Թրամփի համար կարող է դառնալ այն, ինչ Աֆղանստանը՝ Բայդենի համար»․ #Bloomberg

Ուկրաինական ճգնաժամը կարող է ԱՄՆ նախագահ Դոնալդ Թրամփի համար դառնալ այն, ինչ Աֆղանստանի պատերազմն էր ԱՄՆ նախկին նախագահ Ջո Բայդենի համար։ Այս մասին գրում է Bloomberg-ը:

Ուկրաինայում հակամարտության լուծումը «հեշտ գործ չէ», և դրա տևողությունը, ի վերջո, կարող է հանգեցնել նրան, որ Թրամփը դառնա դրա պատասխանատուն և, հնարավոր է, մեղավորը, գրում է գործակալությունը։

Այնուամենայնիվ, ինչպես նշում է Bloomberg-ը, եթե նա հրաժարվի Կիևին լրացուցիչ ռազմական օգնություն տրամադրելուց և Ռուսաստանին դիմակայելուց, Թրամփին կարող են մեղադրել «բավարար ջանքեր չգործադրելու մեջ», նման այն իրավիճակին, որին բախվեց Բայդենը, երբ հրամայեց ամերիկյան զորքերը դուրս բերել Աֆղանստանից։

«Թրամփը գրեթե վեց ամիս է, ինչ ղեկավարում է ԱՄՆ քաղաքականությունը, և պատերազմը շարունակվում է, հիմա դա Թրամփի պատասխանատվությունն է։ Նա հասկանում է, որ իրեն կարող են լուրջ մեղադրանքներ առաջադրել, եթե Պուտինը հաղթի իր օրոք»,- Ուկրաինայում ԱՄՆ նախկին դեսպան Ջոն Հերբստի խոսքերն է մեջբերում գործակալությունը։