«Մոսկվան և Բաքուն տարբեր կարծիքներ ունեն Ուկրաինայի հարցում»․ Պեսկով

Ռուսաստանը տեղյակ է Ուկրաինայի հարցում Ադրբեջանի դիրքորոշման մասին, Մոսկվան և Բաքուն տարբեր կարծիքներ ունեն այդ հարցի վերաբերյալ, հայտարարել է Ռուսաստանի նախագահի մամուլի քարտուղար Դմիտրի Պեսկովը։

«Միևնույն ժամանակ, Կրեմլը հույս ունի, որ այս հարցի շուրջ տարաձայնությունները չեն խոչընդոտի Բաքվի հետ հարաբերություններում սառեցման շրջանի ավարտին»,- նշել է Պեսկովը։

«Հուսանք, երկկողմ հարաբերություններում կարճատև սառեցման շրջանը կանցնենք, և փոխշահավետ, փոխադարձ շահերը չեն զոհաբերվի՝ հօգուտ ստեղծված իրավիճակի»,- ասել է Պեսկովը։

Ավելի վաղ Ադրբեջանի նախագահ Իլհամ Ալիևը հրապարակայնորեն աջակցել էր Ուկրաինային՝ կոչ անելով «չհամաձայնել օկուպացիային»։