Հարավային Կորեայում ջրհեղեղների հետևանքով 23 մարդ է զոհվել

1011

Հինգշաբթի, 24 հուլիսի, 2025 թ., 16:21

Հարավային Կորեայում ուժեղ անձրևների և ջրհեղեղների հետևանքով զոհվել է 23 մարդ, հինգը համարվում են անհետ կորած։

Այս մասին հաղորդում է The Hankyoreh-ը՝ հղում անելով երկրի պետական կառավարման և անվտանգության նախարարության տվյալներին։

Նշվում է, որ զոհերի ամենամեծ թիվը գրանցվել է Կյոնսանգնամդո նահանգում՝ 13 մարդ, Կյոնգի-դոյում՝ վեց, Չունգչոննամդոյում՝ երեք, Գվանգջու քաղաքում՝ մեկ։ Գապյոնգ շրջանում անհետ կորած են համարվում երեք մարդ, որոնց, ենթադրաբար, քշել է արագահոս գետը։

Բացի այդ, ուժեղ անձրևների և ջրհեղեղների պատճառած ավերածությունների հետևանքով ավելի քան 2,2 հազար տարհանվածներ չեն կարողանում վերադառնալ իրենց տները։