Թաիլանդ-Կամբոջա սահմանին թեժ մարտեր են

Կամբոջայի ազգային պաշտպանության նախարարությունը հայտարարել է, որ Կամբոջայի և Թաիլանդի սահմանին գտնվող հակամարտության գոտում թեժ մարտեր են սկսվել։

Պաշտպանության նախարարությունը հայտարարել է, որ «կատաղի բախումներ» են սկսվել կամբոջական և թաիլանդական ուժերի միջև՝ սահմանի մոտ գտնվող Տակրաբեի և Թամոանտոմ պատմական տաճարների տարածքում, քանի որ «թաիլանդական զորքերն ինտենսիվ հարձակում են սկսել՝ ակնհայտորեն փորձելով վերահսկողություն հաստատել այդ վայրերի նկատմամբ»։ Հաղորդվում է, որ կամբոջական զորքերը «արագ և վճռականորեն արձագանքել են՝ հետ մղելով հարձակումը պաշտպանական մանևրներով և պատասխան կրակով»։

"Khmer Times"-ը հայտնել է նաև, որ Պրեահ Վիհեր նահանգում սահմանի այլ հատվածներում ծանր հրետակոծությունների մասին հաղորդագրություններ են ստացվել։ Հակամարտության գոտում հրետանային փոխհրաձգություն է եղել։