ԱՄԷ-ն և Հորդանանն օդից օգնություն են հասցնում Գազային

Հորդանանը, ԱՄԷ-ի հետ համատեղ, օդային ճանապարհով 25 տոննա մարդասիրական օգնություն է նետել Գազայի հատված, ասվում է Հորդանանի զինված ուժերի հայտարարության մեջ։
Ավելի վաղ Իսրայելի պաշտպանության ուժերը հայտարարել էին Գազայի բնակիչներին օդային ճանապարհով մարդասիրական օգնության մատակարաման վերսկսման մասին։

Հայտարարության մեջ նշվում է, որ կիրակի Հորդանանի զինված ուժերը մարդասիրական և պարենային օգնության երեք օդային մատակարարումներ են իրականացրել Գազայի հատված, որոնցից մեկն իրականացվել է ԱՄԷ-ի հետ համատեղ։
«Օդային մատակարարումներն իրականացվել են Հորդանանի և ԱՄԷ ռազմաօդային ուժերի C-130 ինքնաթիռներով, որոնք 25 տոննա սնունդ և մարդասիրական օգնություն են հասցրել», - հայտնել է Հորդանանի բանակը։

Ավելի վաղ Իսրայելի բանակը հայտարարել էր ռազմական գործողությունների ամենօրյա «մարտավարական դադարների» մասին՝ մարդասիրական օգնության բաշխման համար միաջազգային մարդասիրական կազմակերպությունների աշխատանքը թեթևացնելու նպատակով: