«ՌԴ-ի դեմ պատժամիջոցները կարող են կիրառվել 50-օրյա ժամկետից շուտ». Թրամփ

724

Կիրակի, 27 հուլիսի, 2025 թ., 21:00

ԱՄՆ նախագահ Դոնալդ Թրամփն ազդարարել է, որ Ռուսաստանի դեմ երկրորդային պատժամիջոցները կարող են կիրառվել այս ամսվա սկզբին հայտարարված 50-օրյա ժամկետից էլ շուտ։

«Մենք ուսումնասիրում ենք ամբողջ իրավիճակը։ Հնարավոր է, որ ստիպված լինենք երկրորդային պատժամիջոցներ կիրառել ՌԴ-ի նկատմամբ», - ասել է նա: Հարցին, թե արդյո՞ք դրանք կարող են կիրառվել 50 օրից շուտ, Թրամփը պատասխանել է՝ «հնարավոր է»։

Հուլիսի 23-ին Ստամբուլում կայացած Ուկրաինա-Ռուսաստան խաղաղության բանակցությունների երրորդ փուլին, որը տևել է մեկ ժամից պակաս, կողմերը լիակատար հրադադարի շուրջ համաձայնության չեն եկել։