Կոնգոյում եկեղեցու վրա հարձակման հետևանքով 43 մարդ է զոհվել

1093

Երկուշաբթի, 28 հուլիսի, 2025 թ., 09:45

Կոնգոյի Դեմոկրատական Հանրապետությունում եկեղեցու վրա ապստամբների հարձակման հետևանքով զոհերի թիվը հասել է 43-ի, հայտնել է Կոնգոյի Դեմոկրատական Հանրապետությունում ՄԱԿ-ի առաքելությունը։
Ավելի վաղ Associated Press-ը, հղում կատարելով տեղի իշխանություններին, գրել էր, որ զինված անձինք հարձակվել են Կոմանդա գյուղում գտնվող կաթոլիկ եկեղեցու վրա։ Գործակալության տվյալներով՝ իշխանությունները հարձակման մեջ մեղադրել են «Ժողովրդավարական ուժերի դաշինք» ապստամբական շարժմանը։

Առաքելությունը վրդովմունք է հայտնել միջադեպի կապակցությամբ և Կոնգոյի Դեմոկրատական Հանրապետության իշխանություններին կոչ արել հետաքննություն անցկացնել ու մեղավորներին պատասխանատվության ենթարկել։