«Կամբոջան խոշոր ռազմագործողության է նախապատրաստվում»․ Թայլանդի կառավարություն

Կամբոջան պատրաստվում է խոշոր ռազմական գործողության Թայլանդի հետ սահմանամերձ շրջաններում՝ երկուշաբթի Կուալա Լումպուրում նախատեսված խաղաղության բանակցություններից առաջ, ասվում է Թայլանդի կառավարության հայտարարության մեջ։

«Կամբոջայի հարձակումները նախկինի պես պարբերական բնույթ են կրում և իրենցից ներկայացնում են մարտական գործողությունների կանոնների խախտումներ՝ սահմանամերձ շրջանների բնակիչների համար լրացուցիչ ռիսկեր ստեղծելով։ Իրավիճակը մնում է չափազանց լարված, և ենթադրվում է, որ Կամբոջան կարող է նախապատրաստվել ռազմական գործողության՝ բանակցությունների մեկնարկից առաջ», - ասվում է Թայլանդի կառավարության կայքում տեղադրված հայտարարության մեջ։

Ավելի վաղ հաղորդվել էր Կուալա Լումպուրում երկու կողմերի միջև հնարավոր բանակցությունների անցկացման մասին։