Կամբոջան Թայլանդին մեղադրում է 20 զինվորի գերեվարման մեջ

Կամբոջայի զինված ուժերը թայլանդցի զինվորականներին մեղադրել են հրադադարի ուժի մեջ մտնելուց հինգ ժամ անց 20 կամբոջացի զինվորների գերեվարման մեջ, հաղորդել է «Phnom Penh Post»-ը՝ հղում կատարելով Կամբոջայի պաշտպանության նախարարությանը:

«Հուլիսի 29-ին, մոտավորապես ժամը 5-ին, թայլանդցի զինվորները գերեվարել են կամբոջացի 20 զինվորների: Մեկին հաջողվել է փախչել, իսկ 19-ին տեղափոխել են Թայլանդ: Հիմա, անկախ ամեն ինչից, մենք ուզում ենք, որ հրադադարից հետո գերեվարված զինվորներն ազատ արձակվեն»,- ասել է Կամբոջայի պաշտպանության նախարարության միջազգային հարաբերությունների վարչության գլխավոր տնօրեն Ֆաթ Վիբոլսոֆյակը: