«Թրամփը դեմ է, որ ՆԱՏՕ-ն Ուկրաինայի համար երաշխիքների մաս կազմի»․ Մակրոն

Ֆրանսիայի նախագահ Էմանուել Մակրոնը հայտարարել է, որ Ուկրաինայի կողմից ցանկացած հնարավոր տարածքային զիջում պետք է ուղղակիորեն կապված լինի անվտանգության երաշխիքների հետ։ Այս մասին հայտնել է Le Monde թերթը։

Մակրոնի խոսքով՝ ԱՄՆ նախագահ Դոնալդ Թրամփը հստակ արտահայտել է իր դիրքորոշումը, որ ՆԱՏՕ-ն չպետք է այդ երաշխիքների մաս կազմի, քանի որ դա կարևոր փաստարկ է Ռուսաստանի համար։

«Նա նույնիսկ ասել է բաներ, որոնք շատ կարևոր են ինձ համար. այն փաստը, որ ՆԱՏՕ-ն չպետք է լինի այս անվտանգության երաշխիքների մաս, և մենք գիտենք, որ սա ուժեղ փաստարկ է, հատկապես ռուսական կողմի համար», - ասել է Մակրոնը։

Միևնույն ժամանակ, ԱՄՆ-ն և բոլոր դաշնակիցները, ըստ Թրամփի, պետք է ներգրավված լինեն այս երաշխիքներում, ինչը Մակրոնն անվանել է սկզբունքային պարզաբանում։