«ՆԱՏՕ-ին Ուկրաինայի անդամակցությունը բացառվում է». Թրամփը՝ Ալյասկայից առաջ

Միացյալ Նահանգները, եվրոպական երկրների հետ միասին, կարող են Ուկրաինային անվտանգության երաշխիքներ տրամադրել, սակայն նրա՝ ՆԱՏՕ-ին միանալու տարբերակը բացառված է, լրագրողներին ասել է ԱՄՆ նախագահ Դոնալդ Թրամփը՝ ՌԴ նախագահ Պուտինի հետ հանդիպման նպատակով Անքորիջ մեկնելիս։

«Միգուցե՝ Եվրոպայի և այլ երկրների հետ միանալ, բայց ոչ ՆԱՏՕ-ի, քանի որ որոշակի բաներ տեղի չեն ունենա»,- ասել է Թրամփը՝ պատասխանելով Կիևին անվտանգության երաշխիքներ տրամադրելու հեռանկարների մասին լրագրողների հարցին։

Ապրիլին նույնպես Թրամփը բացառել էր ՆԱՏՕ-ին անդամակցելու Ուկրաինայի հնարավորությունը՝ հանքանյութերի արդյունահանման վերաբերյալ համաձայնագրի շրջանակներում։ Նրա կարծիքով, դաշինքին միանալու Ուկրաինայի ցանկությունը կարող էր Ռուսաստանի հետ լայնածավալ հակամարտության պատճառը լինել։