Թրամփն ընդունել է ընտանիքով Մինսկ այցելելու Լուկաշենկոյի հրավերը

ԱՄՆ նախագահ Դոնալդ Թրամփն ընդունել է Մինսկ այցելելու՝ Բելառուսի նախագահ Ալեքսանդր Լուկաշենկոյի հրավերը: Այս մասին հայտնում է Բելառուսի նախագահի մամուլի ծառայությունը:
«Բելառուսի նախագահ Ալեքսանդր Լուկաշենկոն ԱՄՆ նախագահ Դոնալդ Թրամփին ընտանիքի հետ հրավիրել է Մինսկ, հրավերն ընդունվել է»,- ասվում է հաղորդագրության մեջ:

Բելառուսի և ԱՄՆ առաջնորդները հեռախոսազրույց են ունեցել Ալյասկայում ռուս-ամերիկյան գագաթնաժողովից առաջ, որտեղ այժմ մեկնում են Թրամփը և Պուտինը։

«Երկու երկրների առաջնորդները քննարկել են երկկողմ օրակարգի հարցեր, տարածաշրջանային թեմաներ և իրավիճակը թեժ կետերում, այդ թվում՝ Ուկրաինայում», հաղորդում է Բելառուսի նախագահի մամուլի ծառայությունը։