Ուրբաթ, 20 փետրվարի, 2026 թ.
|
Ստեփանակերտում`   +6 °C

«Չպետք է գերագնահատենք Եվրոպայի դերը». Մերց

«Չպետք է գերագնահատենք Եվրոպայի դերը». Մերց
579
Շաբաթ, 16 օգոստոսի, 2025 թ., 21:00

Եվրոպան չպետք է գերագնահատի իրեն Ուկրաինայի հակամարտության կարգավորման գործում, իսկ Միացյալ Նահանգները վճռորոշ դեր կխաղա այս գործընթացում։ Այս մասին հայտարարել է Գերմանիայի կանցլեր Ֆրիդրիխ Մերցը։

«Եվրոպայի մասնակցությամբ բանակցություններն արդեն սկսվել են։ Դրանք կշարունակվեն երկուշաբթի: Բայց մենք չպետք է գերագնահատենք Եվրոպայի դերը»,- ասել է Մերցը՝ ZDF-ին տված հարցազրույցում՝ հավելելով, որ «Եվրոպայի միասնությունը կարևոր է»։

Կանցլերի խոսքով՝ Ուկրաինայի հակամարտության մեջ վճռորոշ դերը կխաղա Ամերիկայի Միացյալ Նահանգները։

Ալյասկայում ռուս-ամերիկյան գագաթնաժողովից հետո ԱՄՆ նախագահ Դոնալդ Թրամփը մի քանի հեռախոսազրույցներ էր ունեցել ՆԱՏՕ-ի ղեկավարների հետ՝ Վլադիմիր Զելենսկու հետ երկարատև զրույցից հետո։ Թրամփի զանգից անմիջապես հետո Բրյուսելում հրավիրվել է ԵՄ 27 երկրների դեսպանների արտակարգ նիստ։