«Իր խաղաղության պայմանները որոշելու Ուկրաինայի իրավունքը պետք է հարգվի»․ Կոշտա

Տրանսատլանտյան միասնությունն այժմ առաջնային նշանակություն ունի Ուկրաինայում կայուն խաղաղության հասնելու համար: Այս մասին ասել է Եվրոպական խորհրդի նախագահ Անտոնիո Կոշտան։

«Ինչպես շեշտեցի «կամեցողների կոալիցիայում», եթե հրադադարի համաձայնագիր չկնքվի, ԵՄ-ն և ԱՄՆ-ն ստիպված կլինեն ուժեղացնել ճնշումը Ռուսաստանի վրա։

Պետք է հարգվի Ուկրաինայի ինքնիշխան իրավունքը՝ որոշելու իր խաղաղության պայմանները։

Մենք ողջունում ենք ԱՄՆ-ի պատրաստակամությունը՝ դեր խաղալու Ուկրաինային անվտանգության երաշխիքներ տրամադրելու գործում՝ ապագա ռուսական ագրեսիան կանխելու և Ուկրաինայում համատեղ արդար և երկարատև խաղաղություն ապահովելու համար։ Եվրոպան պատրաստ է կատարել իր դերը»,- հայտնել է Կոշտան։