«Չեմ հավատում ՌԴ-ի կողմից Ուկրաինայի դեմ հետագա ագրեսիային»․ Թրամփ

ԱՄՆ նախագահ Դոնալդ Թրամփը եվրոպացի առաջնորդների հետ հանդիպման ժամանակ հայտարարել է, որ չի հավատում, որ Ռուսաստանի կողմից Ուկրաինայի դեմ «հետագա ագրեսիայի» սպառնալիք կա։

«Ես լավատես եմ, որ միասին մենք կարող ենք համաձայնությունների հասնել, որոնք կկանխեն Ուկրաինայի դեմ ցանկացած ագրեսիա և, կարծում եմ, որ դա տեղի չի ունենա։ Իրականում, կարծում եմ, որ այն (ագրեսիան) չափազանցված է, խիստ չափազանցված»,- ասել է Թրամփը։

ՌԴ նախագահ Վլադիմիր Պուտինի հետ Ալյասկայում գագաթնաժողովից հետո Թրամփը եվրոպացի առաջնորդներին ասել է, որ ԱՄՆ-ն ավելի քան երբևէ պատրաստ է անվտանգության երաշխիքներ տրամադրել Ուկրաինային, հաղորդում է The Wall Street Journal-ը։