«Պուտինն ու Զելենսկին կարող են հանդիպել Հունգարիայում». #Reuters

ՌԴ նախագահ Վլադիմիր Պուտինի և Ուկրաինայի նախագահ Վլադիմիր Զելենսկու հանդիպումը, որի մասին Դոնալդ Թրամփը հայտարարել է Վաշինգթոնում կայացած գագաթնաժողովից հետո, կարող է տեղի ունենալ Հունգարիայում: Այս մասին հայտնել է Reuters-ը՝ հղում կատարելով Սպիտակ տան բարձրաստիճան պաշտոնյաներից մեկին:

Նախկինում Հունգարիան դիտարկվում էր որպես Թրամփի և Պուտինի հանդիպման հավանական վայրերից մեկը, որը,

սակայն, տեղի ունեցավ Ալյասկայում:

CNN-ը նշել է, որ Հունգարիայի վարչապետ Վիկտոր Օրբանը մտերիմ է ինչպես ԱՄՆ-ի, այնպես էլ Ռուսաստանի նախագահի հետ:

Բացի այդ, ապրիլին երկիրը հայտարարել է Միջազգային քրեական դատարանի իրավասությունից դուրս գալու մասին, որը Պուտինին ձերբակալելու օրդեր էր տվել:

Ֆրանսիայի նախագահ Էմանուել Մակրոնը, իր հերթին, հայտարարել է, որ կցանկանար, որ Ուկրաինայի և Ռուսաստանի առաջնորդները բանակցություններ անցկացնեն «չեզոք երկրում», ինչպիսին Շվեյցարիան է՝ պնդելով, որ հանդիպման վայրը լինի Ժնևը։