Տուսկը դեմ է Բուդապեշտում Պուտին-Զելենսկի հանդիպման անցկացմանը

Լեհաստանի վարչապետ Դոնալդ Տուսկը չի աջակցել Ռուսաստանի և Ուկրաինայի նախագահներ Վլադիմիր Պուտինի և Վլադիմիր Զելենսկու միջև Բուդապեշտում հանդիպում անցկացնելու գաղափարին: Տուսկը հիշեցրել է, որ այնտեղ 1994 թվականին ստորագրվել է Բուդապեշտի հուշագիրը, որը նախատեսում էր Ուկրաինայի տարածքից միջուկային զենքի փոխանցում Ռուսաստան՝ անվտանգության երաշխիքների դիմաց:

«Միգուցե բոլորը չեն հիշում սա, բայց 1994 թվականին Ուկրաինան արդեն ստացել էր տարածքային ամբողջականության երաշխիքներ ԱՄՆ-ից, Ռուսաստանից և Մեծ Բրիտանիայից՝ Բուդապեշտում: Միգուցե ես սնահավատ եմ, բայց այս անգամ ես կփորձեի գտնել այլ վայր», - գրել է Տուսկը X սոցիալական ցանցում:

Ինչպես գրել է Bloomberg-ը, Հունգարիայի վարչապետ Վիկտոր Օրբանն առաջարկել էր Ռուսաստանի և Ուկրաինայի առաջնորդների միջև հանդիպում անցկացնել Բուդապեշտում:

Politico-ի տվյալներով՝ Սպիտակ տունը քննարկում է այս հնարավորությունը: Հնարավոր տարբերակների թվում նշվել են նաև Ժնևը և Հռոմը: Միևնույն ժամանակ, ռուսական կողմը դեռևս չի հաստատել Վլադիմիր Զելենսկու հետ հանդիպելու Վլադիմիր Պուտինի պատրաստակամությունը։