Պուտինն Էրդողանին ներկայացրել է Ալյասկայում գագաթնաժողովի իր գնահատականները

ՌԴ նախագահ Վլադիմիր Պուտինն իր թուրք գործընկեր Ռեջեփ Թայիփ Էրդողանի հետ հեռախոսազրույցի ընթացքում ներկայացրել է Անքորիջում կայացած ռուս-ամերիկյան գագաթնաժողովի վերաբերյալ իր գնահատականները։ Այս մասին հայտնել է Կրեմլի մամուլի ծառայությունը։

«Թուրքիայի Հանրապետության նախագահ Ռեջեփ Թայիփ Էրդողանի հետ հեռախոսազրույցի ընթացքում Ռուսաստանի նախագահ Վլադիմիր Պուտինը հայտնել է Անքորիջում կայացած ռուս-ամերիկյան գագաթնաժողովի վերաբերյալ իր գնահատականները», - ասվում է հաղորդագրության մեջ։

Ռուսաստանի նախագահը նշել է Թուրքիայի կողմից Ստամբուլում Ուկրաինայի ներկայացուցիչների հետ բանակցություններ վարելու հարցում ցուցաբերված օգնությունը։

Առաջնորդները քննարկել են նաև առևտրի և ներդրումների զարգացումը։