«Ուկրաինական հարվածից Հունգարիա նավթի մատակարարումները կրկին դադարեցվել են»․ Սիյարտո

Հունգարիայի արտաքին գործերի նախարար Պետեր Սիյարտոն հայտնել է, որ «Դրուժբա» խողովակաշարով ռուսական նավթի մատակարարումները կրկին դադարեցվել են։

«Գիշերը մենք հաղորդագրություն ստացանք, որ ռուս-բելառուսական սահմանին գտնվող «Դրուժբա» խողովակաշարը կրկին հարձակման է ենթարկվել՝ վերջին շրջանում երրորդ անգամ։ Հունգարիա նավթի մատակարարումները կրկին դադարեցվել են։ Սա մեր երկրի էներգետիկ անվտանգության դեմ ևս մեկ հարձակում է», - ասել է Սիյարտոն։

Ավելի վաղ Ուկրաինայի զինված ուժերը հայտնել էին Բրյանսկի մարզում գտնվող «Ունեչա» նավթամղակայանի վրա հարձակման մասին, որը «Դրուժբա» խողովակաշարի մաս է կազմում։