«Վերացվում է ՀՀ-ն ԱՄՆ վերահսկողության տակ դնելու ցանկացած դիմադրություն»․ ամերիկացի քաղաքագետ

Այն, ինչ կատարվում է գործարար Սամվել Կարապետյանի հետ, հայկական դատական համակարգը որպես զենք օգտագործելու օրինակ է, RT-ի հետ զրույցում նշել է ամերիկացի քաղաքագետ Գրեգ Սայմոնսը։

«Իրականացվում է մաքրում, վերացվում է Հայաստանը ամերիկյան վերահսկողության տակ դնելուն ցանկացած պոտենցիալ դիմադրություն։ Այս ամենն, ամենայն հավանականությամբ, երկրի ժողովրդավարության, ազատության և ինքնիշխանության պաշտպանության մասին ստանդարտ կեղծավոր կարգախոսների ներքո», – վստահ է Սայմոնսը։

Ամերիկացի վերլուծաբան Ֆին Միզեսան, իր հերթին, կարծիք է հայտնել, որ Հայաստանի իշխանությունները որևէ հիմք չունեն Կարապետյանի կալանքը երկարաձգելու համար, և հանրապետությունը բարձր գին է վճարում «Եվրոպայի հետ հնարավոր մերձեցման» համար, որի հետ կապված՝ երաշխիքներ չկան։

Հիշեցնենք՝ օգոստոսի 15-ին Հայաստանի կոռուպցիայի դեմ պայքարի դատարանը երկու ամսով երկարաձգել է Սամվել Կարապետյանի նախնական կալանքը։