«Պուտինը պատրաստ է Զելենսկու հետ հանդիպել, եթե օրակարգ լինի»․ Լավրով

Ռուսաստանի նախագահ Վլադիմիր Պուտինի և Ուկրաինայի նախագահ Վլադիմիր Զելենսկու միջև հանդիպում նախատեսված չէ, NBC-ին տված հարցազրույցում հայտարարել է Ռուսաստանի արտաքին գործերի նախարար Սերգեյ Լավրովը։

Լավրովի խոսքով՝ Ռուսաստանի նախագահը պատրաստ է հանդիպել նրա հետ, երբ գագաթնաժողովի օրակարգը պատրաստ լինի, որը դեռևս հասանելի չէ։

«Նախագահ Պուտինը հստակ ասել է, որ պատրաստ է հանդիպմանը, եթե այս հանդիպումն իրականում ունենա օրակարգ, նախագահական օրակարգ», - ասել է Լավրովը՝ հավելելով, որ Ուկրաինան խոչընդոտում է խաղաղության գործընթացին։

«Պուտինի և ԱՄՆ նախագահ Դոնալդ Թրամփի միջև Ալյասկայում կայացած հանդիպման ժամանակ Ռուսաստանը որոշ հարցերում ճկունություն է ցուցաբերել, բայց Զելենսկին ամեն ինչին ասել է՝ ոչ»,- մանրամասնել է Լավրովը։