Կիրակի, 01 նոյեմբերի, 2026 թ.
|
Ստեփանակերտում`   +10 °C

Էրդողանի կինը նամակ է հղել Մելանյա Թրամփին

Էրդողանի կինը նամակ է հղել Մելանյա Թրամփին
1421
Շաբաթ, 23 օգոստոսի, 2025 թ., 19:30

Թուրքիայի առաջին տիկին Էմինե Էրդողանը նամակ է հղել ԱՄՆ նախագահ Դոնալդ Թրամփի կնոջը՝ Մելանյա Թրամփին՝ կոչ անելով կապ հաստատել Իսրայելի վարչապետի հետ ու «բարձրացնել Գազայի երեխաների անմխիթար վիճակի հարցը», հայտնում է Reuters-ը՝ հղում անելով Անկարայի աղբյուրներին։

Էմինե Էրդողանը նշել է, որ իրեն ոգեշնչել է Մելանյա Թրամփի՝ Ուկրաինայի և Ռուսաստանի երեխաների մասին Ռուսաստանի նախագահ Վլադիմիր Պուտինին ուղղված նամակը։

«Ես հավատում եմ, որ այն կարևոր հոգատարությունը, որը Դուք ցուցաբերել եք 648 ուկրաինացի երեխաների նկատմամբ…, կտարածվի նաև Գազայի վրա։ Հավատում եմ, որ Գազայի անունից Ձեր կոչը կծառայի պաղեստինցի ժողովրդի առջև պատմական պատասխանատվության ստանձնմանը»,- ասվում է Էմինե Էրդողանի նամակում։