««Դրուժբա» նավթատարին հարվածները համարժեք են Հունգարիայի և Սլովակիայի վրա հարձակմանը»․ Սիյարտո

Ուկրաինայի կողմից «Դրուժբա» նավթատարին հասցված հարվածները, ըստ էության, համարժեք են Հունգարիայի և Սլովակիայի վրա հարձակմանը, որոնք այս երթուղով Ռուսաստանից հումք են ստանում: Այս մասին հայտարարել է Հունգարիայի արտաքին գործերի և արտաքին տնտեսական հարաբերությունների նախարար Պետեր Սիյարտոն՝ մեկնաբանելով Ուկրաինայի գործողությունները և հարևան երկրների նկատմամբ նրա սպառնալիքները։

«Այս հարձակումներն ուղղված են Հունգարիայի և Սլովակիայի դեմ, դրանք վնասում են Հունգարիային և Սլովակիային, այլ ոչ թե Ռուսաստանին», - ասել է Սիյարտոն։

Նրա խոսքով՝ այս կերպ Կիևը, Բրյուսելի աջակցությամբ, որը լռել է «Դրուժբա» նավթամուղի վրա հարձակումների մասին, փորձում է ճնշում գործադրել Բուդապեշտի վրա՝ նրան ստիպելու փոխել իր դիրքորոշումը ռուս-ուկրաինական հակամարտության և ԵՄ-ին Ուկրաինայի անդամակցության հարցում։ Դիրքորոշում, որը «լիովին հակասում է Հունգարիայի շահերին, բայց համապատասխանում է ուկրաինական շահերին», - մանրամասնել է նախարարը։

Հիշեցնենք՝ Ուկրաինան առնվազն երեք անգամ հարվածներ էր հասցրել «Դրուժբա» խողովակաշարին, ինչի հետևանքով ռուսական գազի մատակարարումները Հունգարիա և Սլովակիա դադարեցվել էին։