«Այդքան էլ հաճելի չէ բյուջեն քննարկել 2018-ից առաջ այդ բյուջեն թալանողների հետ»․ Արթուր Հովհաննիսյան

256

Հինգշաբթի, 13 նոյեմբերի, 2025 թ., 15:06

«Այդքան էլ հաճելի չէ, արդեն որերոդ տարին բյուջեն քննարկել 2018-ից առաջ այդ բյուջեն թալանողների հետ»,- ԱԺ-ում իր ելույթի մեկնարկին՝ 2026 թվականի բյուջեի նախագծի քննարկման ժամանակ ասաց ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը:
«Այս բյուջեով ավելի ենք մոտենում մեր նպատակներին՝ կրթված, առողջ, ուժեղ հասարակությամբ, տնտեսապես զարգացող և խաղաղ պետություն ունենալու մեր հարյուրամյա, եթե ոչ մեր հազարամյա երազանքին․․․

Եվ իրապես, հիմա մենք պատմական հանգրվանում ենք, որտեղ հայ ժողովուրդը կանգնած չէ գոյաբանական հարցի առաջ, որտեղ հայ ժողովուրդն ունի իր ամուր պետությունը, երբ հայ ժողովուրդն իր միտքն ու ներուժը կարող է կենտրոնացնել սեփական հայրենիքի, սեփական պետության զարգացման վրա»,- նշեց պատգամավորը։