«Նիկոլ Փաշինյանը չի որոշում». Արթուր Խաչատրյան

ԱԺ ճեպազրույցների ժամին անդրադառնալով վարչապետ Նիկոլ Փաշինյանի երեկվա հայտարարությանը, ընդդիմադիր պատգամավոր Արթուր Խաչատրյանն ասաց. «Նիկոլ Փաշինյանը չի որոշում, թե քաղաքական որ ուժերը պետք է լինեն խորհրդարանում: Կա ժողովուրդ, ընտրողներ, և ընտրությունները մեխանիզմներից մեկն են, որով ձևավորվում է կառավարությունը: Այսինքն վերջիվերջո լեգիտիմացվում է ընտրություններով»:

Հիշեցնենք՝ վարչապետը երեկ ասել էր հետևյալը. «Քաղաքացիները նյարդայնանում և մեզ մեղադրում են, որ շարունակում ենք արձագանքել Ռոբերտ Քոչարյանին, Սերժ Սարգսյանին ու նրանց առաջնորդած ուժերին: Երբեմն քաղաքացիներն ասում են՝ մեկ-մեկ ընենց տպավորություն ա, որ շատ հարմար ա այդ իրադրությունը ձեզ համար, որովհետև իրական խնդիրների լուծումները չեք քննարկում, խուսափում եք: Այս թնջուկը պետք է լուծվի: Շուտով խորհրդարանական ընտրություններ են լինելու, և այդ անձանց առաջնորդած ուժերը պարզապես պետք է չլինեն խորհրդարանում, քանի դեռ եղան, այդ խոսակցությունը շարունակվելու է»: