«Խախտում չկա՞, որ թիկնապահներով և ծառայողական մեքենայով եք եկել՝ մասնակցելու քարոզարշավի»․ հարց Սուրեն Պապիկյանին

Էջմիածնի քաղաքապետի ՔՊ թեկնածու Արգիշտի Մեխակյանի ամփոփիչ հանրահավաքին մասնակցում էր նաև պաշտպանության նախարար Սուրեն Պապիկյանը։

Լրագրողների հետ զրույցում նա նշեց, որ իր պաշտոնը քաղաքական պաշտոն է։ Անդրադառնալով հարցին՝ հանրահավաքին մասնակցում է, քանի որ քաղաքական թիմի անդա՞մ է, նա պատասխանեց․ «Կուսակցության վարչության անդամ եմ, հարգելինե՛րս։

Պապիկյանի կարծիքով՝ որևէ խախտում չկա, որ թիկնապահներով և ծառայողական մեքենայով է քարոզարշավի գնացել։