«Խաղաղության գործընթացը երկու աղոթքի նախաճաշերի միջև տեղի ունեցած իրադարձություն է». Նիկոլ Փաշինյան

«2025 թվականը շատ կարևոր տարի է Հայաստանի Հանրապետության համար, որովհետև իր 34-ամյա անկախության մեջ առաջին անգամ կարող ենք ասել, որ խաղաղություն է հաստատված։ ՀՀ-ն իր պատմության մեջ առաջին անգամ ապրում է խաղաղության մեջ»,- ՀՀ առաջին Աղոթքի նախաճաշի ժանմանակ ասել է ՀՀ վարչապետ Նիկոլ Փաշինյանը:

Անդրադառնալով Միացյալ Նահանգների աղոթքի նախաճաշին՝ Նիկոլ Փաշինյանը նշել է. «2025թ.-ին առաջին անգամ մասնակցեցի Վաշինգթոնում կայացած ԱՄՆ-ի ազգային աղոթքի նախաճաշին: Հենց այդ այցը շատ էական դեր ունեցավ բուն խաղաղության գործընթացի համար: Խաղաղության գործընթացը հիմա երկու աղոթքի նախաճաշերի միջև տեղի ունեցած իրադարձություն է՝ փետրվարին և նոյեմբերին»: Փաշինյանի խոսքով՝ սա թերևս ունի ինչ-որ հոգևոր նշանակություն և իմաստ: