«6-րդ օրն է՝ հացադուլի մեջ եմ․ պահանջս աբսուրդային, սարքովի գործիս վերանայումն է»․ Դավիթ Քալաշյան

«Հզոր միտք, հզոր Հայաստան» ՀԿ նախագահ Դավիթ Քալաշյանի ֆեյսբուքյան գրառումը․ «Մեկ բան հստակ է. Սերժ Սարգսյանի ժամանակ կալանավայրերը սպանդանոցի էր նման։ Նիկոլ Փաշինյանը ահագին բարեփոխումներ կատարեց, սակայն, ցավոք սրտի, Ս. Սարգսյանի ժամանակվա դատական համակարգում աշխատողների գերակշիռ մասը շարունակեցին համակարգերում մնալ աշխատանքի՝ մինչ այժմ, և ամեն կերպ խոչընդոտել արդարադատությանը։ Օրինակ՝ ոմանք Ն. Փաշինյանին մեղադրում են, որ դուրս է եկել եկեղեցու դեմ, բայց Արթիկ քրեակատարողական հիմնարկում արգելում են կալանավորներին այցելել տեղի եկեղեցի, որը օրենքով հասանելի է՝ հատկապես բաց ռեժիմով կալանքը կրողներին։
Այս ամենը հենց քայլեր են, որոնք ուղղված են Նիկոլ Փաշինյանի դեմ։
Հայեր ջա՜ն, հիշեցնեմ, որ արդեն 6-րդ օրն է, գտնվում եմ հացադուլի մեջ՝ Արթիկ քրեակատարողական հիմնարկում։ Միակ պահանջս աբսուրդային սարքովի գործիս վերանայումն ու արդար քննություն անցկացնելն է։
Կից ներկայացնում եմ նախագահող դատավորի կողմից ինձ արդարացվելուս վճիռը։
Խնդրանքս՝ ինչքան հնարավոր է մեկնաբանություններում շատ նշեք մեր վարչապետի, Գլխավոր դատախազության և Արդարադատության նախարարության էջերը, և չենք մոռանում տարածել գրառումս»։

Ավելի վաղ հայտնել էինք, որ Սամվել Կարապետյանը Լոռու մարզի ընդհանուր իրավասության դատարան հայցադիմում է ներկայացրել՝ ընդդեմ Դավիթ Քալաշյանի՝ պահանջելով հերքել զրպարտություն հանդիսացող տվյալները, ինչպես նաև՝ փոխհատուցել 6 մլն դրամ։