Տեղի է ունեցել Երևանի «Կարմիր կամրջի» բացումը

Ավարտվել են Երևանի Կարմիր կամրջի վերականգման աշխատանքերը: Հանրապետական նշանակության այս հուշարձանը, որը գտնվում է Հրազդան գետի վրա, նախատեսված է միայն հետիոտնային շարժի համար:

Կարմիր կամուրջը Երևանում պահպանված ամենահին կամուրջն է։ 1655 թ․ կամուրջը նկարել է ֆրանսիացի ճանապարհորդ Ժան Բատիստ Տավերնյեն, ըստ որի՝ կամուրջը եռակամար է եղել։

1679 թվականի երկրաշարժի հետևանքով կամուրջն ավերվել է։

Նույն թվականին կամուրջը վերակառուցվել է քանաքեռցի մեծահարուստ բարեգործ Խոջա-Փիլավի հովանավորությամբ։ Կամուրջը կրում է տարբեր ժամանակների նորոգման հետքեր:

Հիշեցնենք, որ 2022 թվականից մեկնարկած վերականգնման աշխատանքներն իրականցվել են բարերարի միջոցներով, ով ցանկացել է անհայտ մնալ։