Երեքշաբթի, 10 մարտի, 2026 թ.
|
Ստեփանակերտում`   -2 °C

Թրամփի վարչակազմը կվերանայի 19 երկրների քաղաքացիներին տրված գրին քարտերը

Թրամփի վարչակազմը կվերանայի 19 երկրների քաղաքացիներին տրված գրին քարտերը
1431
Ուրբաթ, 28 նոյեմբերի, 2025 թ., 23:53

Թրամփի վարչակազմը հայտարարել է, որ վերանայելու է 19 երկրներից ԱՄՆ ներգաղթած անձանց տրամադրված գրին քարտերը, հայտնում է BBC-ն։

ԱՄՆ քաղաքացիության և միգրացիայի ծառայության ղեկավար Ջոզեֆ Էդլոն հայտարարել է, որ նախագահը հանձնարարել է իրեն իրականացնել «գրին քարտերի ամբողջական և մանրակրկիտ վերանայում՝ բոլոր մտահոգիչ երկրներից յուրաքանչյուր օտարերկրյա անձի համար»։

BBC-ի հարցին, թե որ երկրներն են ընդգրկված ցուցակում, ծառայությունը հղում կատարեց Դոնալդ Թրամփի հունիսյան հրամանագրին, որով արգելվում էր Ասիայի, Աֆրիկայի և Լատինական Ամերիկայի 12 երկրների քաղաքացիների մուտքը ԱՄՆ և սահմանափակվում էր ևս յոթ երկրների քաղաքացիների մուտքը։

Հայտարարությունը հնչել է չորեքշաբթի օրը Վաշինգթոնում Աֆղանստանի քաղաքացու կողմից Ազգային գվարդիայի երկու զինծառայողների վրա կրակ բացելուց հետո, որի հետևանքով զինծառայողներից մեկը ավելի ուշ մահացել էր։

Նշվում է, որ կասկածյալը Միացյալ Նահանգներ է ժամանել 2021 թվականին՝ Աֆղանստանից ամերիկյան զորքերի դուրսբերումից հետո աֆղանցիներին հատուկ ներգաղթային պաշտպանություն տրամադրող ծրագրի շրջանակներում։

Կարդացե՛ք նաև