Հինգշաբթի, 05 մարտի, 2026 թ.
|
Ստեփանակերտում`   0 °C

«Մենք հիմա ավելի մոտ ենք, քան երբևէ»․ Թրամփը՝ Ուկրաինայում խաղաղության մասին

«Մենք հիմա ավելի մոտ ենք, քան երբևէ»․ Թրամփը՝ Ուկրաինայում խաղաղության մասին
1290
Երեքշաբթի, 16 դեկտեմբերի, 2025 թ., 18:30

ԱՄՆ նախագահ Դոնալդ Թրամփը հայտարարել է, որ դեկտեմբերի 14-15-ը Բեռլինում կայացած բանակցություններից հետո զրուցել է եվրոպացի առաջնորդների և Ուկրաինայի նախագահի հետ՝ ուկրաինական հակամարտության կարգավորման շուրջ։ Թրամփն այս հայտարարությունն արել է Սպիտակ տանը ունեցած ելույթի ժամանակ։

«Մենք շատ լավ զրույց ունեցանք եվրոպացի առաջնորդների հետ, հիմնականում ուկրաինական հակամարտության մասին։ Մենք երկար զրույց ունեցանք։ Թվում է, թե ամեն ինչ լավ է ընթանում... Ես նաև երկար զրույց ունեցա նախագահ Զելենսկու հետ», - ասել է Թրամփը։

Նա պարզաբանել է, որ զրույցին մասնակցել են Գերմանիայի, Իտալիայի, Ֆինլանդիայի, Ֆրանսիայի, Մեծ Բրիտանիայի, Լեհաստանի, Նորվեգիայի, Դանիայի, Նիդեռլանդների առաջնորդները և ՆԱՏՕ-ի գլխավոր քարտուղարը, և որ այն «շատ երկար և լավ զրույց» էր։

Նա նաև նշել է, որ խոսել է Ռուսաստանի նախագահ Վլադիմիր Պուտինի հետ։

«Կարծում եմ՝ մենք հիմա ավելի մոտ ենք (խաղաղությանը), քան երբևէ», - հավելել է Թրամփը։

«Մենք հիմա ավելի մոտ ենք, քան երբևէ»․ Թրամփը՝ Ուկրաինայում խաղաղության մասին

Կարդացե՛ք նաև