Կիրակի, 24 մայիսի, 2026 թ.
|
Ստեփանակերտում`   +18 °C

«Չինաստանը գործարկել է ռոբոտների համար հոդերի արտադրության աշխարհում առաջին գործարանը». #SCMP

«Չինաստանը գործարկել է ռոբոտների համար հոդերի արտադրության աշխարհում առաջին գործարանը». #SCMP
7640
Կիրակի, 01 փետրվարի, 2026 թ., 13:57

Չինական Eyou Robot Technology ընկերությունը գործարկել է աշխարհում առաջին գործարանը՝ մարդանման ռոբոտների հոդերի արտադրության համար։ Այս մասին հայտնում է South China Morning Post թերթը։

Թերթի տվյալներով՝ Շանհայում գտնվող նոր գործարանը տարեկան կարող է արտադրել մինչև 100 հազար հոդ։ Ապագայում արտադրողականությունը հնարավոր է ավելացվի մինչև երեք անգամ։ Ընկերությունում հաշվարկել են, որ հոդերը կազմում են մեկ ռոբոտի ընդհանուր արժեքի գրեթե կեսը։

Ավելի վաղ չինացի ինժեներները Science Advances գիտական ամսագրում հրապարակված հոդվածում հայտնել էին, որ մշակել են մարդանման ռոբոտների համար վերջույթների նոր տեսակ, որոնք կառուցվածքային սկզբունքներով նման են մարդու ոտքերի ոսկորներին։ Ինչպես նշել էին չինացի գիտնականները, ներկայում աշխարհի տարբեր երկրներում հարյուրավոր գիտական և ինժեներական խմբեր աշխատում են ավելի կատարելագործված մարդանման ռոբոտների ստեղծման ուղղությամբ։