«ԱՄՆ-Իրան լարվածությունը պայթյունավտանգ է ամբողջ Մերձավոր Արևելքի համար». Լավրով

ԱՄՆ-ի և Իրանի միջև հարաբերությունների լարվածությունը պայթյունավտանգ է ամբողջ Մերձավոր Արևելքի համար, հայտարարել է Ռուսաստանի արտաքին գործերի նախարար Սերգեյ Լավրովը։

«Իրավիճակը պայթյունավտանգ է ոչ միայն Իրանի, այլև ամբողջ Մերձավոր Արևելքի համար։ Այստեղ չափազանց շատ ականներ կան, պատրաստ պայթելու, պարզապես սպասում են, որ դրանց վրա ոտք դնեն», - ասել է Լավրովը RT-ին տված հարցազրույցում՝ պատասխանելով Վաշինգթոնի և Թեհրանի միջև լարվածության մասին հարցին։

Նա նաև նշել է, որ Իրանը Ռուսաստանի մոտ գործընկերն է, և Մոսկվան «անտարբեր չէ տարածաշրջանում լարվածության ներկայիս զարգացման նկատմամբ»։ Ռուսաստանը չի ձգտում որպես միջնորդ հանդես գալ Իրանի, Իսրայելի և Միացյալ Նահանգների միջև սրվող իրավիճակի կարգավորման հարցում, սակայն լուրջ մտահոգություն է հայտնում աճող լարվածության վերաբերյալ։